اسلام آباد: وزیراعظم شہباز شریف نے آزادکشمیر کی صورتحال پر ہنگامی اجلاس آج طلب کرلیا۔
اجلاس آج صبح وزیراعظم ہاؤس میں ہوگا جس میں آزاد کشمیر حکومت، وزارت داخلہ کے نما ئندے اور دیگر اہم حکام شریک ہوں گے۔
اجلاس میں وفاقی وزیر امورکشمیر امیرمقام ، وزیرتوانائی، وزیر فوڈ سکیورٹی بھی شرکت کریں گے ، اجلاس میں آزاد کشمیر کی موجودہ صورتحال پر وزیراعظم کو بریفنگ دی جائے گی۔ وزیراعظم کی زیر صدارت اجلاس میں اہم فیصلے متوقع ہیں۔
